یاد میں اپنے یار جانی کی

یاد میں اپنے یار جانی کی

ہم نے مر مر کے زندگانی کی

دوستوں کو عدو کیا ہم نے

کر کے تعریف یار جانی کی

کیوں نہ رسوا کرے زمانے میں

یہ کہانی غم نہانی کی

روح ہوے گی حشر میں صاحب

اک نشانی سرائے فانی کی

خاکساری سے بڑھ گیا انساں

ارض پر سیر آسمانی کی

زرد صورت پہ ہجر میں نہ ہنسو

شرح ہے رنگ زعفرانی کی

آج کل لکھنؤ میں اے اخترؔ

دھوم ہے تیری خوش بیانی کی

yad main apne yar jani ki

ham ne mar mar ke zindagani ki

doston ko adu kiya ham ne

kar ke taarif yar jani ki

kyun na ruswa kare zamane mein

ye kahani gham-e-nihani ki

ruh hue gi hashr mein sahab

ik nishani sarae fani ki

khaksari se barh gaya insan

arz par sair asmani ki

zard surat pe hijr mein na hanso

sharh hai rang-e-zafrani ki

aj kal lakhnau mein ai akhtar

dhum hai teri khush bayani ki