یاد ہیں وے دن تجھے ہم کیسے آواروں میں تھے

یاد ہیں وے دن تجھے ہم کیسے آواروں میں تھے

خار تھے ہر آبلوں میں آبلے خاروں میں تھے

اے گلابی مست پھر منہ لگ کے اس کے اس قدر

لعل لب کے ایک دن ہم بھی پرستاروں میں تھے

لب تلک بھی آ نہیں سکتے ہیں مارے ضعف کے

آہ فوج غم کے جو جانے حولداروں میں تھے

سامنے کل خوش نگاہوں کے جو آیا مر گیا

دیکھا ٹک کیا ہی جواہر ان کی ترواروں میں تھے

میرے اس کے درمیاں حرف آیا جب انصاف کا

پھر گئے اک مرتبہ جتنے طرف داروں میں تھے

نالہ و آہ و فغاں درد و الم سوز و گداز

آہ کیسے کیسے ؔجوشش اپنے غم خواروں میں تھے

yad hain we din tujhe ham kaise awaron mein the

khar the har ablon mein able kharon mein the

ai gulabi mast phir munh lag ke us ke is qadar

laal-e-lab ke ek din ham bhi parastaron mein the

lab talak bhi a nahin sakte hain mare zof ke

ah fauj-e-gham ke jo jane hawaldaron mein the

samne kal khush nigahon ke jo aya mar gaya

dekha tuk kya hi jawahir un ki tarwaron mein the

mere us ke darmiyan harf aya jab insaf ka

phir gae ik martaba jitne taraf daron mein the

nala-o-ah-o-fughan dard-o-alam soz-o-gudaz

ah kaise kaise joshish apne gham khwaron mein the