یاد ہے پہلے پہل کی وہ ملاقات کی بات

یاد ہے پہلے پہل کی وہ ملاقات کی بات

وہ مزے دن کے نہ بھولے ہیں نہ وہ رات کی بات

کبھی مسجد میں جو واعظ کا بیاں سنتا ہوں

یاد آتی ہے مجھے پیر خرابات کی بات

یاد پیری میں کہاں اب وہ جوانی کی ترنگ

صبح ہوتے ہی ہمیں بھول گئی رات کی بات

شیخ جی مجمع رنداں میں نصیحت کیسی

کون سنتا ہے یہاں قبلۂ حاجات کی بات

ہائے پھر چھیڑ دیا ذکر عدو کا تم نے

پھر نکالی نہ وہی ترک ملاقات کی بات

جب لیا عہد شب وصل کہا اس نے حفیظؔ

صبح کو یاد رہے گی یہ ہمیں رات کی بات

yad hai pahle pahal ki wo mulaqat ki bat

wo maze din ke na bhule hain na wo rat ki bat

kabhi masjid mein jo waiz ka bayan sunta hun

yad ati hai mujhe pir-e-kharabat ki bat

yad piri mein kahan ab wo jawani ki tarang

subh hote hi hamen bhul gai rat ki bat

shaikh ji majma-e-rindan mein nasihat kaisi

kaun sunta hai yahan qibla-e-hajat ki bat

hae phir chher diya zikr-e-adu ka tum ne

phir nikali na wahi tark-e-mulaqat ki bat

jab liya ahd-e-shab-e-wasl kaha us ne hafiz

subh ko yad rahegi ye hamen rat ki bat