یاد کرنا ہر گھڑی اس یار کا

یاد کرنا ہر گھڑی اس یار کا

ہے وظیفہ مجھ دل بیمار کا

آرزوئے چشمۂ کوثر نئیں

تشنہ لب ہوں شربت دیدار کا

عاقبت کیا ہووے گا معلوم نئیں

دل ہوا ہے مبتلا دل دار کا

کیا کہے تعریف دل ہے بے نظیر

حرف حرف اس مخزن اسرار کا

گر ہوا ہے طالب آزادگی

بند مت ہو سبحہ و زنار کا

مسند گل منزل شبنم ہوئی

دیکھ رتبہ دیدۂ بیدار کا

اے ولیؔ ہونا سریجن پر نثار

مدعا ہے چشم گوہر بار کا

yad karna har ghari us yar ka

hai wazifa mujh dil-e-bimar ka

arzu-e-chashma-e-kausar nain

tishna lab hun sharbat-e-didar ka

aqibat kya howe ga maalum nain

dil hua hai mubtala dil dar ka

kya kahe taarif dil hai be nazir

harf harf is makhzan-e-asrar ka

gar hua hai talib-e-azadagi

band mat ho subha-o-zunnar ka

masnad-e-gul manzil-e-shabnam hui

dekh rutba dida-e-bedar ka

ai wali hona sirijin par nisar

muddaa hai chashm-e-gauhar bar ka