ہے خاک بسر صبا مرے بعد

ہے خاک بسر صبا مرے بعد

گلشن کی پھر ہوا مرے بعد

تھی جائے وصال منزل گور

حاصل ہوا مدعا مرے بعد

اے تپ نہ جلانا استخواں کو

مایوس نہ ہو ہما مرے بعد

قاتل نے بہائے لاش پر اشک

تھا بس یہی خوں بہا مرے بعد

یوں خاک میں میں ملا کہ اس نے

پایا نہ مرا پتا مرے بعد

کی داغ نے خاک سے تراوش

گل قبر سے یہ کھلا مرے بعد

اوروں پہ کرو گے جب جفائیں

یاد آئے گی یہ وفا مرے بعد

گو میں نہ رہا مگس کی صورت

شہرہ تو رہا مرا مرے بعد

اے غم مری جان کھا چکا تو

کیا ہوگی تیری غذا مرے بعد

بے جرم کیا جو قتل مجھ کو

جلاد خجل ہوا مرے بعد

روٹھا رہا یوں تو عمر بھر وہ

تربت سے گلے لگا مرے بعد

باقی نہ رہا جہاں میں عاجزؔ

کچھ لطف زبان کا مرے بعد

hai khak basar saba mire baad

gulshan ki phir hua mire baad

thi jae wisal manzil-e-gor

hasil hua muddaa mire baad

ai tap na jalana ustukhwan ko

mayus na ho huma mire baad

qatil ne bahae lash par ashk

tha bas yahi khun baha mire baad

yun khak mein main mila ke us ne

paya na mira pata mire baad

ki dagh ne khak se tarawish

gul qabr se ye khula mire baad

auron pe karoge jab jafaen

yad aegi ye wafa mire baad

go main na raha magas ki surat

shohra to raha mira mire baad

ai gham miri jan kha chuka to

kya hogi teri ghiza mire baad

be jurm kiya jo qatl mujh ko

jallad khajil hua mire baad

rutha raha yun to umr bhar wo

turbat se gale laga mire baad

baqi na raha jahan mein ajiz

kuchh lutf-e-zaban ka mire baad