ہے جو رنگ اس کی جلوہ گاہوں میں

ہے جو رنگ اس کی جلوہ گاہوں میں

دیکھتا ہوں وہی نگاہوں میں

سیر کو آ گیا وہ جان جہاں

پڑ گئی جان سیر گاہوں میں

اب تو مے خانوں سے بھی کچھ بڑھ کر

جام چلتے ہیں خانقاہوں میں

میرا دعویٰ ہے عشق میں سچا

دیدۂ تر ہیں دو گواہوں میں

بد گمانی نہ کر شرفؔ پہ کہ وہ

دل سے ہے تیرے خیر خواہوں میں

hai jo rang us ki jalwa gahon mein

dekhta hun wahi nigahon mein

sair ko a gaya wo jan-e-jahan

par gai jan sair gahon mein

ab to mai khanon se bhi kuchh barh kar

jam chalte hain khanqahon mein

mera daawa hai ishq mein sachcha

dida-e-tar hain do gawahon mein

bad gumani na kar sharaf pe ke wo

dil se hai tere khair khwahon mein