آج بدلی ہے ہوا ساقی پلا جام شراب

آج بدلی ہے ہوا ساقی پلا جام شراب

برس کالی وعدہ جاتے ہیں برس کالے سحاب

آرسی سوں اب شراب ناب کھینچا چاہئے

نیند سوں اٹھ یار نے دیکھا ہے چشم نیم خواب

صاف دل ہو گر ہے تجھ کوں خواہش ترک ہوا

آب آئینہ اوپر آتا نہیں ہرگز حباب

صورت مہتاب رو ظاہر ہے میرے اشک سوں

جلوہ گر جیوں آب دریا میں ہے عکس ماہتاب

ہر کتاب صحبت رنگیں کے معنی دیکھ کر

فرد تنہائی کے مضموں کوں کیا ہوں انتخاب

صاحب معنی کیا ہے حق مجھے روز بنا

پوستیں جامہ ہے میرے بر منے مثل کتاب

خیمۂ گل باغ میں برپا ہے اے داؤدؔ آج

تن رہی ہے دیکھ کیا آواز بلبل کی طناب

aj badli hai hawa saqi pila jam-e-sharab

baras kali waada jate hain baras kale sahab

arsi sun ab sharab-e-nab khincha chahiye

nind sun uth yar ne dekha hai chashm-e-nim khwab

saf dil ho gar hai tujh kun khwahish tark hua

ab-e-aina upar ata nahin hargiz habab

surat-e-mahtab ro zahir hai mere ashk sun

jalwa gar jyun ab-e-dariya mein hai aks-e-mahtab

har kitab-e-sohbat-e-rangin ke maani dekh kar

fard tanhai ke mazmun kun kya hun intikhab

sahab-e-maani kya hai haq mujhe roz bana

postin jama hai mere bar mane misl-e-kitab

khema-e-gul bagh mein barpa hai ai daud aj

tan rahi hai dekh kya awaz bulbul ki tanab