ہے دل کو میرے عارض جاناں سے ارتباط

ہے دل کو میرے عارض جاناں سے ارتباط

بلبل کو جس طرح ہو گلستاں سے ارتباط

مجھ درد مند عشق کی تدبیر ہے عبث

ہوگا نہ میرے درد کو درماں سے ارتباط

بندہ ہوں عشق کا نہیں مذہب سے مجھ کو کام

کیوں کر کروں میں گبرو مسلماں سے ارتباط

ہے ربط مجھ کو کوچۂ جاناں سے روز و شب

مجنوں کو جس طرح تھا بیاباں سے ارتباط

مذہب ہے میرا عشق اور رندی ہے میرا کام

ہے کفر سے نہ مجھ کو نہ ایماں سے ارتباط

ہے ربط مجھ کو قامت جاناں سے جس طرح

قمری کا ہووے سرو گلستاں سے ارتباط

آثمؔ جہان میں شہ خادم کے میں سوا

کافر ہوں گر کروں کسی انساں سے ارتباط

hai dil ko mere ariz janan se irtibat

bulbul ko jis tarah ho gulistan se irtibat

mujh dard mand ishq ki tadbir hai abas

hoga na mere dard ko darman se irtibat

banda hun ishq ka nahin mazhab se mujh ko kam

kyun kar karun main gabro musalman se irtibat

hai rabt mujh ko kucha-e-janan se roz-o-shab

majnun ko jis tarah tha bayaban se irtibat

mazhab hai mera ishq aur rindi hai mera kam

hai kufr se na mujh ko na iman se irtibat

hai rabt mujh ko qamat janan se jis tarah

qumri ka howe sarw gulistan se irtibat

asim jahan mein shah-e-khadim ke main siwa

kafir hun gar karun kisi insan se irtibat