ہے اس کی زلف سے نت پنجۂ عدو گستاخ

ہے اس کی زلف سے نت پنجۂ عدو گستاخ

مرا غبار وہ دامن سے ہے کبھو گستاخ

دھواں نکالوں میں حقے کا خون جام پیوں

ترے ہیں لب سے دونوں میرے روبرو گستاخ

پلا ہے پانی سے پر سر چڑھا ہے پانی کے

ندی کے سات ہے کم ظرفی سے کدو گستاخ

ستاوے ہے دل خونیں کو حرف ناصح یوں

کہ جیسے زخم سے ہووے ہے گل کی بو گستاخ

ہنسی سے غنچہ کا دل صبح توڑے ہے عزلتؔ

تو ڈر جو تجھ سے کوئی ہووے خندہ رو گستاخ

hai us ki zulf se nit panja-e-adu gustakh

mira ghubar wo daman se hai kabhu gustakh

dhuan nikalon mein huqqe ka khun jam piyun

tire hain lab se donon mere rubaru gustakh

pila hai pani se par sar charha hai pani ke

nadi ke sat hai kam zarfi se kaddu gustakh

satawe hai dil-e-khunin ko harf-e-naseh yun

ke jaise zakhm se howe hai gul ki bu gustakh

hansi se ghuncha ka dil-e-subh tore hai uzlat

tu dar jo tujh se koi howe khanda ru gustakh