Arooz is now on the App Store, for iPhone and iPad. Download →

All poetry

تضمین در مخمس (II)

Mir Taqi Mir (1723–1810)

بیخودانہ ہیں کئی حرف زباں پر کر گوش

آج کہتا ہوں کہ ہے خم کدۂ دل میں جوش

پاے رفتن تو نہ تھے لیک مجھے تھا کچھ ہوش

سرخوش از کوے خرابات گذر کردم دوش

بہ طلبگاری ترسا بچۂ بادہ فروش

ہوش و صبر و خرد و دین گئے یہ سارے

میں تھا سو مجھ میں بھی کچھ تھا نہ ستم کے مارے

بعد یک چشم زدن پھر جو میں دیکھا بارے

پیشم آمد بہ سر کوچہ پری رخسارے

کافرے عشوہ گرے زلف چو زنار بدوش

ایک ساعت تو رہا محو نشست و برخاست

بارے پھر ٹھہر گیا دل بھی مرا بے کم و کاست

درمیاں جس گھڑی آئے سخن راست بہ راست

گفتم ایں کوچہ چہ کویست و ترا خانہ کجاست

اے مہ نو خم ابروے ترا حلقہ بگوش

تار اس دشمن ایمان کی زلفوں کے کمند

پارسائی کو میں صد جان سے واں پایا بند

آنکھیں سختی سے دکھا مجھ کو بہ آواز بلند

گفت تسبیح بخاک افگن و زنار ببند

سنگ بر سینۂ تقویٰ زن و پیمانہ بنوش

رہیو ہشیار کہ ہے ضعف سے بیگانہ طلب

قوت پا ہی تلک رکھتی ہے یارانہ طلب

جاکے کر پیر مغاں سے کوئی خم خانہ طلب

توبہ یک سو بنہ و ساغر مستانہ طلب

خرقہ بیروں فگن و کسوت رندانہ بپوش

بسکہ نقاد ہیں یاں کھوٹے ہیں سب تیرے کھرے

قابل خدمت مستاں نہیں تو رہیو پرے

پہلے یہ باتیں ہیں ان پر تو عمل کرلے ارے

بعد ازاں سوے من آ تا بتو گویم خبرے

راہ بنمایم اگر بر سخنم داری گوش

مجھ کو بھڑکا کے چلا واں سے وہ کافر سرکش

پاؤں سے لے کے گئی سر تئیں جلتی آتش

ہاتھ سے جاتا ہی تھا گو تھی مجھے حالت غش

من برافتادۂ بیہودہ دویدم بہ پیَش

تا رسیدم بہ مقامے کہ نہ دیں ماند و نہ ہوش

جاے بے خدشۂ غیرے کہ نہ تھا غیر نمود

خط باطل سے لکھا دیکھا ہے واں صفحۂ بود

تو بھی واں ہو تو یہی منھ سے نکل جاوے زود

محو گشت از ورق کون و مکاں حرف وجود

نہ پری ماند و نہ آدم نہ طیور و نہ وحوش

بے خود و بے خبر و مست مئے صاف الست

آتش مے سے برافروختہ کچھ بادہ پرست

یک دگر پاؤں کی لغزش کے سبب دست بدست

دیدم از دور گروہے ہمہ دیوانہ و مست

از تف بادۂ شوق آمدہ در جوش و خروش

گرچہ ظاہر تھا خراب ان کا ولے سب معمور

کاسۂ سر سے ہوئے پھرتے تھے سارے فغفور

بے لباس طرب و جامۂ اندوہ سے عور

بے دف و مطرب و ساقی ہمہ در عیش و سرور

بے مے و جام و صراحی ہمہ در نوشانوش

نام و ناموس کا دفتر تھا سب ان کا برہم

دیکھ کر پہلے کیا میں نے تامل یک دم

پھر جو دیکھا تو مجھے بد کہے گا کیا عالم

چوں سر رشتۂ ناموس برفت از دستم

خواستم تا خبرے پرسم ازو گفت خموش

عقل رکھتا ہے تو ٹک رہیو ادب کا پابند

یاں فراغت ہے دو عالم کی ہر اک جام میں بند

یہ وہ جا ہے کہ نہ فردوس ہو اس کے مانند

ایں خرابات مغان است و درو مستانند

از دم صبح ازل تا بہ قیامت مدہوش

میرؔ ان مستوں میں کوئی نہیں پابستۂ زیست

کیونکہ یہ زیست بہت ہووے تو دہ روز کہ بیست

جتنے یہ ہست نظر آتے ہیں اب سب ہیں نیست

گر ترا نیز بہ ایں فرقہ سر یک رنگی ست

دین و دنیا بہ یکے جرعہ چو عصمت بہ فروش