ہیں ہم بھی خوب چاہ کا ساماں کیے ہوئے

ہیں ہم بھی خوب چاہ کا ساماں کیے ہوئے

بیٹھے ہیں گھر کو پہلے ہی ویراں کیے ہوئے

دھوکے میں آ کے باغ جہاں میں چلے گئے

دل میں گمان کوچۂ جاناں کیے ہوئے

بیٹھا ہوں روز ہجر میں ہر اک گھڑی پہ میں

عزم شمار ریگ بیاباں کئے ہوئے

پاس ان کو رہوے اپنے جو ناموس و ننگ کا

ہم بھی پھریں گے چاک گریباں کیے ہوئے

عارفؔ بتا کہ سر ہے یہ کس دن کے واسطے

پھرتا ہے آج تیغ وہ عریاں کیے ہوئے

hain ham bhi khub chah ka saman kiye hue

baithe hain ghar ko pahle hi wiran kiye hue

dhoke mein a ke bagh-e-jahan mein chale gae

dil mein guman kucha-e-janan kiye hue

baitha hun roz-e-hijr mein har ik ghari pe main

azm-e-shumar reg bayaban kiye hue

pas un ko rahwe apne jo namus-o-nang ka

ham bhi phirenge chak-e-gareban kiye hue

arif bata ke sar hai ye kis din ke waste

phirta hai aj tegh wo uryan kiye hue