ہوویں برعکس بھلا کیوں نہ وہ اغیار سے خوش

ہوویں برعکس بھلا کیوں نہ وہ اغیار سے خوش

کسی معشوق کو دیکھا نہ وفادار سے خوش

ہر دعا پر ہمیں دشنام میسر ہے کہاں

شامت نفس ہے گر ہوویں نہ سرکار سے خوش

نقد دل بھی جو کوئی دے کے نہ مانگے بوسہ

وہ ہوا کرتے ہیں بس ایسے خریدار سے خوش

غور سے میں نے جو دیکھا تو کہیں عالم میں

کوئی ہوگا نہ زیادہ ترے بیمار سے خوش

کیا عجب مجھ سے خفا ہووے اگر وہ عارفؔ

کسی معشوق کو دیکھا نہ وفادار سے خوش

howen baraks bhala kyun na wo aghyar se khush

kisi maashuq ko dekha na wafadar se khush

har dua par hamen dushnam muyassar hai kahan

shamat nafas hai gar howen na sarkar se khush

naqd-e-dil bhi jo koi de ke na mange bosa

wo hua karte hain bas aise kharidar se khush

ghaur se main ne jo dekha to kahin alam mein

koi hoga na ziyada tire bimar se khush

kya ajab mujh se khafa howe agar wo arif

kisi maashuq ko dekha na wafadar se khush