ہوں کالبد خاک میں مہماں کوئی دن اور

ہوں کالبد خاک میں مہماں کوئی دن اور

قسمت میں ہے پابندیٔ زنداں کوئی دن اور

ہے دفتر عالم کو ضرورت ابھی میری

کرنی ہے مجھے خدمت عنواں کوئی دن اور

آنے ہی کو ہے موسم گل خیر منا لے

داماں کوئی دن اور گریباں کوئی دن اور

اے ابر یوں ہی قطرۂ فشاں رہ ابھی کچھ روز

مے خواروں پہ ہوتا رہے احساں کوئی دن اور

آمادۂ رخصت ہے مرا عہد جوانی

خاطر کا لہو چوس لے ارماں کوئی دن اور

کچھ روز ٹھہر اور بھی اے شمع شب افروز

پر نور رہے میرا شبستاں کوئی دن اور

کیوں روکش عالم ہے نہال جگر افگار

رہنا تھا نوا سنج غزلخواں کوئی دن اور

hun kalbad khak mein mehman koi din aur

qismat mein hai pabandi-e-zindan koi din aur

hai daftar-e-alam ko zarurat abhi meri

karni hai mujhe khidmat unwan koi din aur

ane hi ko hai mausam-e-gul khair mana le

daman koi din aur gareban koi din aur

ai abr yun hi qatra-e-fishan rah abhi kuchh roz

mai khwaron pe hota rahe ehsan koi din aur

amada-e-rukhsat hai mira ahd-e-jawani

khatir ka lahu chus le arman koi din aur

kuchh roz-e-thahar aur bhi ai sham-e-shab afroz

pur nur rahe mera shabistan koi din aur

kyun rukash alam hai nihal-e-jigar afgar

rahna tha nawa sanj ghazalkhwan koi din aur