ہوں گے دل و جگر میں نشاں دیکھ لیجئے

ہوں گے دل و جگر میں نشاں دیکھ لیجئے

تیر نظر پڑے ہیں کہاں دیکھ لیجئے

باغ جناں میں لطف اذیت بھلا کہاں

دنیا میں سیر جور بتاں دیکھ لیجئے

آہیں نکل رہی ہیں دل درد ناک سے

فوج غم و الم کا نشاں دیکھ لیجئے

پردے ہی سے نہ آئیں وہ باہر تو پھر انہیں

کس طرح دیکھ لیجے کہاں دیکھ لیجئے

ہندوستاں سے چلئے سوئے کربلا نسیمؔ

واں چل کے سیر باغ جناں دیکھ لیجئے

honge dil-o-jigar mein nishan dekh lijiye

tir-e-nazar pare hain kahan dekh lijiye

bagh-e-janan mein lutf aziyyat bhala kahan

duniya mein sair-e-jaur-e-butan dekh lijiye

ahen nikal rahi hain dil-e-dard nak se

fauj-e-gham-o-alam ka nishan dekh lijiye

parde hi se na aen wo bahar to phir unhen

kis tarah dekh lije kahan dekh lijiye

hindostan se chaliye su-e-karbala nasim

wan chal ke sair-e-bagh-e-janan dekh lijiye