ہیں سات زمیں کے طبق اور سات ہیں افلاک

ہیں سات زمیں کے طبق اور سات ہیں افلاک

اس راز کے محرم ہیں مگر صاحب ادراک

بو ذوق بصر لمس سمع خاصۂ عنصر

عنصر خلی باد آتش و آب و کرۂ خاک

ایزاد ہوئے چار طبق تب ہوئے چودہ

صورتگری و حافظہ و دانش و ادراک

کہتے ہیں جسے عرش وہ ہے جلوۂ پندار

گردش میں ہیں جس سے طبقات ہمہ افلاک

ہے پاس ادب مانع ساحرؔ پے اظہار

ہے مطلع خورشید وگرنہ سر لولاک

hain sat zamin ke tabaq aur sat hain aflak

is raz ke mahram hain magar sahab-e-idrak

bu zauq-e-basar lams sam-e-khassa-e-unsar

unsar khalli bad atish-o-ab-o-kura-e-khak

izad hue char tabaq tab hue chauda

suratgiri-o-hafiza-o-danish-o-idrak

kahte hain jise arsh wo hai jalwa-e-pindar

gardish mein hain jis se tabqat-e-hama aflak

hai pas-e-adab mane-e-sahir pe izhar

hai matla-e-khurshid wagarna sar laulak