ہیں نکہت گل باغ میں اے باد صبا ہم

ہیں نکہت گل باغ میں اے باد صبا ہم

دم بھر میں نمودار ہیں دم بھر میں فنا ہم

تشریف تو لے آئیں وہ روٹھے رہیں ہم سے

جھگڑا تو مٹے صلح بھی ہو جائے گی باہم

ہم تیرے شناسا ہیں ہمیں غیر سے کیا کام

آگاہ کسی سے بھی نہیں تیرے سوا ہم

پوچھا تھا یہ میں نے کہ مٹائے گا مجھے کون

قسمت ابھی خاموش تھی جو اس نے کہا ہم

وہ کہتے ہیں دعویٰ ہے اسے ہوش و خرد کا

بیخودؔ کو پلائیں گے مے ہوش ربا ہم

hain nikhat-e-gul bagh mein ai bad-e-saba ham

dam bhar mein numudar hain dam bhar mein fana ham

tashrif to le aen wo ruthe rahen ham se

jhagra to mite sulh bhi ho jaegi baham

ham tere shanasa hain hamen ghair se kya kam

agah kisi se bhi nahin tere siwa ham

puchha tha ye main ne ke mitaega mujhe kaun

qismat abhi khamosh thi jo us ne kaha ham

wo kahte hain daawa hai use hosh-o-khirad ka

bekhud ko pilaenge mai hosh ruba ham