تلاش قبر میں یوں گھر سے ہم نکل کے چلے

تلاش قبر میں یوں گھر سے ہم نکل کے چلے

کفن بغل میں لیا منہ پہ خاک مل کے چلے

ہوا کھلانی تھی دنیا کی میری میت کو

اٹھانے والے جو کاندھا بدل بدل کے چلے

جگہ نہ دی ہمیں اس شمع رو نے پہلو میں

ہوس بجھانے کو آئے تھے اور جل کے چلے

اٹھا کے بزم سے ہم لے چلے جو خلوت میں

قدم قدم پہ وہ روٹھے مچل مچل کے چلے

یہاں تک آئے ہیں طے ہم دو منزلہ کر کے

تمہاری بزم میں پہنچے ہیں آج کل کے چلے

شہید ناز کی میت جو دیکھی گل در گل

کفن کھسوٹ جو آئے تھے ہاتھ مل کے چلے

کمند کاکل پیچاں سے دور دور رہے

قضا ٹلے جو شرفؔ اس بلا سے ٹل کے چل

talash qabr mein yun ghar se ham nikal ke chale

kafan baghal mein liya munh pe khak mil ke chale

hawa khilani thi duniya ki meri mayyat ko

uthane wale jo kandha badal badal ke chale

jagah na di hamen is shama ro ne pahlu mein

hawas bujhane ko ae the aur jal ke chale

utha ke bazm se ham le chale jo khalwat mein

qadam qadam pe wo ruthe machal machal ke chale

yahan tak ae hain tai ham do manzila kar ke

tumhari bazm mein pahunche hain aj kal ke chale

shahid-e-naz ki mayyat jo dekhi gul dar gul

kafan khasot jo ae the hath mal ke chale

kamand kakul-e-pechan se dur dur rahe

qaza tale jo sharaf is bala se tal ke chal