ہیں جانے بوجھے یار ہم، ہم ساتھ انجانی نہ کر

ہیں جانے بوجھے یار ہم، ہم ساتھ انجانی نہ کر

در سے ہمیں درکار نا جانی یہ نادانی نہ کر

اک دل تھا جو تجھ کو دیا ہے اور دل جو اور لے

ہم چاہیں تجھ چھٹ اور کو یہ بات دیوانی نہ کر

عرش الہ العالمیں جائے ادب ہے کھول جھڑ

ہے خانۂ دل غرق پر دیکھ اشک طغیانی نہ کر

ہیں جھونپڑیاں ہمسائے میں مت آگ ان کو لگ اٹھے

نچلی تو رہ سینے میں ٹک، ٹک آہ جولانی نہ کر

ہم عشق تیرے ہاتھ سے کیا کیا نہ دیکھیں حالتیں

دیکھ آب دیدہ خوں نہ ہو خون جگر پانی نہ کر

آنسو کے ہے دریا پہ آ دل کا سفینہ تر رہا

اب اظفریؔ مت آہ بھر کشتی یہ طوفانی نہ کر

hain jane bujhe yar ham, ham sath anjani na kar

dar se hamen darkar na jani ye nadani na kar

ik dil tha jo tujh ko diya hai aur dil jo aur le

ham chahen tujh chhut aur ko ye bat diwani na kar

arsh ala alalamin jae adab hai khol jhar

hai khana-e-dil gharq par dekh ashk tughyani na kar

hain jhonpariyan hamsae mein mat ag un ko lag uthe

nichli to rah sine mein tuk, tuk ah jaulani na kar

ham ishq tere hath se kya kya na dekhen halaten

dekh ab dida khun na ho khun-e-jigar pani na kar

ansu ke hai dariya pe a dil ka safina tar raha

ab azfari mat ah bhar kashti ye tufani na kar