ہیں وصل میں شوخی سے پابند حیا آنکھیں

ہیں وصل میں شوخی سے پابند حیا آنکھیں

اللہ رے ظالم کی مظلوم نما آنکھیں

آفت میں پھنسائیں گی دیوانہ بنائیں گی

وہ غالیہ سا زلفیں وہ ہوش ربا آنکھیں

کیا جانیے کیا کرتا کیا دیکھتا کیا کہتا

زاہد کو بھی میری سی دیتا جو خدا آنکھیں

رحم ان کو نہ آیا تھا تو شرم ہی آ جاتی

بیداد کے شکوے پر جھکتیں تو ذرا آنکھیں

تم جان کو کھو بیٹھو یا آنکھوں کو رو بیٹھو

بیخودؔ نہ ملائیں گے وہ تم سے ذرا آنکھیں

hain wasl mein shokhi se paband-e-haya ankhen

allah re zalim ki mazlum numa ankhen

afat mein phansaen gi diwana banaengi

wo ghaliya sa zulfen wo hosh ruba ankhen

kya janiye kiya karta kya dekhta kya kahta

zahid ko bhi meri si deta jo khuda ankhen

rahm un ko na aya tha to sharm hi a jati

bedad ke shikwe par jhuktin to zara ankhen

tum jan ko kho baitho ya ankhon ko ro baitho

bekhud na milaenge wo tum se zara ankhen