ہوائے شب سے نہ بجھتے ہیں اور نہ جلتے ہیں

ہوائے شب سے نہ بجھتے ہیں اور نہ جلتے ہیں

کسی کی یاد کے جگنو دھواں اگلتے ہیں

شب بہار میں مہتاب کے حسیں سائے

اداس پا کے ہمیں اور بھی مچلتے ہیں

اسیر دام جنوں ہیں ہمیں رہائی کہاں

یہ رنگ و بو کے قفس اپنے ساتھ چلتے ہیں

یہ دل وہ کارگہ مرگ و زیست ہے کہ جہاں

ستارے ڈوبتے ہیں، آفتاب ڈھلتے ہیں

خود اپنی آگ سے شاید گداز ہو جائیں

پرائی آگ سے کب سنگ دل پگھلتے ہیں

hawa-e-shab se na bujhte hain aur na jalte hain

kisi ki yad ke jugnu dhuan ugalte hain

shab-e-bahar mein mahtab ke hasin sae

udas pa ke hamen aur bhi machalte hain

asir-e-dam-e-junun hain hamen rihai kahan

ye rang-o-bu ke qafas apne sath chalte hain

ye dil wo karga-e-marg-o-zist hai ke jahan

sitare dubte hain, aftab dhalte hain

khud apni ag se shayad gudaz ho jaen

parai ag se kab sang dil pighalte hain