ہوا پیری میں عشق اس نوجواں کا

ہوا پیری میں عشق اس نوجواں کا

الٰہی مجھ میں زور آیا کہاں کا

پڑا سایہ جو اس سرو رواں کا

ملا رتبہ زمیں کو آسماں کا

ارادہ جب ہوا مجھ کو فغاں کا

دھواں بن کر اڑا رنگ آسماں کا

سمجھتے ہیں گدا قند مکرر

کلام اس خسرو شیریں دہاں کا

دل اپنا بچ نہیں سکتا نظر سے

نشانہ ہے وہ تیر بے کماں کا

بہت ڈھونڈھی کمر آخر نہ پائی

پتا ملتا کہیں ہے بے نشاں کا

پڑی مجنوں کے پاؤں میں جو زنجیر

اٹھانا ہی پڑا بار گراں کا

مٹا ہوں اے ہما ان کی طلب میں

تجسس چھوڑ میرے استخواں کا

سفر ہے آخرت کا پیش عاجزؔ

تجھے سامان لازم ہے وہاں کا

hawa piri mein ishq is naujawan ka

ilahi mujh mein zor aya kahan ka

para saya jo is sarw rawan ka

mila rutba zamin ko asman ka

irada jab hua mujh ko fughan ka

dhuan ban kar ura rang-e-asman ka

samajhte hain gada qand-e-mukarrar

kalam is khusrau-e-shirin dahan ka

dil apna bach nahin sakta nazar se

nishana hai wo tir-e-be kaman ka

bahut dhundhi kamar akhir na pai

pata milta kahin hai be nishan ka

pari majnun ke paon mein jo zanjir

uthana hi para bar-e-giran ka

mita hun ai huma un ki talab mein

tajassus chhor mere ustukhwan ka

safar hai akhirat ka pesh ajiz

tujhe saman lazim hai wahan ka