ہوشؔ اس پر کسی کا بس نہ چلا

ہوشؔ اس پر کسی کا بس نہ چلا

وقت جب آ گیا تو پھر نہ ٹلا

سوز باطن کے ہیں یہ سب جلوے

آگ روشن ہے لے چراغ جلا

نہ چلا دل پہ زندگی کا فریب

سخت لوہا اس آنچ سے نہ گلا

کہہ رہا تھا گدائے راہ نشین

جو بھلا تھا ہوا اسی کا بھلا

وہ مرا مدعا سمجھ کے رہے

ضبط فریاد سے نہ کام چلا

راز ہستی نہ کھل سکا اس پر

دل جو اپنی ہی آگ میں نہ جلا

کیا بہاروں کا اعتبار اے ہوشؔ

ہر نفس تاک میں ہے برق بلا

hosh us par kisi ka bas na chala

waqt jab a gaya to phir na tala

soz batin ke hain ye sab jalwe

ag raushan hai le charagh jala

na chala dil pe zindagi ka fareb

sakht loha is anch se na gila

kah raha tha gadae rah nashin

jo bhala tha hua usi ka bhala

wo mira muddaa samajh ke rahe

zabt fariyad se na kam chala

raz-e-hasti na khul saka us par

dil jo apni hi ag mein na jala

kya baharon ka etibar ai hosh

har nafas tak mein hai barq-e-bala