آتش حسن سے اک آب ہے رخساروں میں

آتش حسن سے اک آب ہے رخساروں میں

اے تری شان کہ پانی بھی ہے انگاروں میں

دم نکل جائے گا رخصت کا ابھی نام نہ لو

تم جو اٹھے تو بٹھا دوں گا عزاداروں میں

جا کے اب نار جہنم کی خبر لے زاہد

ندیاں بہہ گئیں اشکوں کی گنہ گاروں میں

نوبتیں نالۂ رخصت کا پتا دیتی ہیں

ماتم عشق کی آواز ہے نقاروں میں

مجھ کو اس درد کی تھوڑی سی کسک ہے درکار

جو دوا بن کے بٹا ہے ترے بیماروں میں

بے طلب اس نے دکھایا رخ روشن مضطرؔ

نام موسیٰ کا نہیں اس کے طلب گاروں میں

atish-e-husn se ik ab hai rukhsaron mein

ai tiri shan ke pani bhi hai angaron mein

dam nikal jaega rukhsat ka abhi nam na lo

tum jo uthe to bitha dunga azadaron mein

ja ke ab nar-e-jahannam ki khabar le zahid

nadiyan bah gain ashkon ki gunah garon mein

naubaten nala-e-rukhsat ka pata deti hain

matam-e-ishq ki awaz hai naqqaron mein

mujh ko is dard ki thori si kasak hai darkar

jo dawa ban ke bata hai tire bimaron mein

be talab us ne dikhaya rukh-e-raushan muztar

nam musa ka nahin us ke talab garon mein