ہوئے ہم جب سے پیدا اپنے دیوانے ہوئے ہوتے

ہوئے ہم جب سے پیدا اپنے دیوانے ہوئے ہوتے

خدا کو ہم پہنچتے خود سے بیگانے ہوئے ہوتے

مزا روشن دلی کا زندگانی ہے تجرد سے

ہم اپنے مثل شبنم آب اور دانے ہوئے ہوتے

موئے ہم انتظار نشہ سے خوشوں کے جا یا رب

ہویدا تاک سے پر بادہ پیمانے ہوئے ہوتے

ہوئیں گے خاک وسعت مشربی کی رہ گئی حسرت

ہم اول ہی سے مثل دشت ویرانے ہوئے ہوتے

رہے دنیا میں بے عیش اور شہود حق سے عقبیٰ میں

ہوئے زہاد کور اے کاش کے کانے ہوئے ہوتے

مئے عرفاں کا ظرف آدم ہی کو تھا گر ملک دیتے

تو سات ابلیس کے سرگرم یارانے ہوئے ہوتے

عبث تم منزوی مسجد میں ہو زہاد کیا حاصل

وہ صاحب اعتکاف کنج میخانے ہوئے ہوتے

ہوئے مستوں پہ گر تیغ زباں زن شیخ شیخی میں

جو اپنے نفس پرور ہوتے مردانے ہوئے ہوتے

اگر صدچاک ہو ہات اس کے لگتے عیش تھا عزلتؔ

دل عشاق سارے کاش کے شانے ہوئے ہوتے

hue ham jab se paida apne diwane hue hote

khuda ko ham pahunchte khud se begane hue hote

maza raushan dili ka zindagani hai tajarrud se

ham apne misl-e-shabnam ab aur dane hue hote

maue ham intizar nasha se khushon ke ja ya rab

huwaida tak se par bada paimane hue hote

huin ge khak wusat mashrabi ki rah gai hasrat

ham awwal hi se misl-e-dasht wirane hue hote

rahe duniya mein be aish aur shuhud-e-haq se uqba mein

hue zohhad kor ai kash ke kane hue hote

mai-e-irfan ka zarf-e-adam hi ko tha gar malak dete

tu sat iblis ke sargarm-e-yarane hue hote

abas tum munzawi masjid mein ho zohhad kya hasil

wo sahab etikaf-e-kunj-e-maikhane hue hote

hue maston pe gar tegh-e-zaban zan shaikh shekhi mein

jo apne nafas parwar hote mardane hue hote

agar sadchak ho hat us ke lagte aish tha uzlat

dil-e-ushshaq sare kash ke shane hue hote