ہوا ہوں دل سیتی بندا پیا کی مہربانی کا

ہوا ہوں دل سیتی بندا پیا کی مہربانی کا

فدا کرتا ہوں ہر دم جی کوں اپنے یار جانی کا

دیے میں جوں بتی ہو یوں دہکتی ہے زباں مکھ میں

کروں جس رات کے اندر بیاں سوز نہانی کا

انجہو انکھیاں کے روغن ہیں ہمارے شعلۂ دل کوں

بجھانا عشق کی آتش نہیں ہے کام پانی کا

اثر کرتا ہے نالہ آبروؔ کا سنگ کے دل میں

ہنر سیکھا ہے شاید کوہ کن سوں تیشہ رانی کا

hua hun dil saiti banda piya ki mehrbani ka

fida karta hun har dam ji kun apne yar jani ka

diye mein jun batti ho yun dahakti hai zaban mukh mein

karun jis rat ke andar bayan soz-e-nihani ka

anjaho ankhiyan ke roghan hain hamare shola-e-dil kun

bujhana ishq ki atish nahin hai kam pani ka

asar karta hai nala abru ka sang ke dil mein

hunar sikha hai shayad koh kin sun tesha rani ka