ہوئے ہیں رام پیتم کے نین آہستہ آہستہ

ہوئے ہیں رام پیتم کے نین آہستہ آہستہ

کہ جیوں پھاندے میں آتے ہیں ہرن آہستہ آہستہ

مرا دل مثل پروانے کے تھا مشتاق جلنے کا

لگی اس شمع سوں آخر لگن آہستہ آہستہ

گریباں صبر کا مت چاک کر اے خاطر مسکیں

سنے گا بات وو شیریں بچن آہستہ آہستہ

گل و بلبل کا گلشن میں خلل ہووے تو برجا ہے

چمن میں جب چلے وو گل بدن آہستہ آہستہ

ولیؔ سینے میں میرے پنجۂ عشق ستم گر نے

کیا ہے چاک دل کا پیرہن آہستہ آہستہ

hue hain ram pitam ke nain ahista ahista

ke jyun phande mein ate hain hiran ahista ahista

mira dil misl parwane ke tha mushtaq jalne ka

lagi is shama sun akhir lagan ahista ahista

gareban sabr ka mat chak kar ai khatir-e-masken

sunega bat wo shirin bachan ahista ahista

gul-o-bulbul ka gulshan mein khalal howe to barja hai

chaman mein jab chale wo gul badan ahista ahista

wali sine mein mere panja-e-ishq-e-sitam gar ne

kya hai chak-e-dil ka pairahan ahista ahista