ہو عید یا محرم ہم غم کیا کریں گے

ہو عید یا محرم ہم غم کیا کریں گے

دو روزہ دہر دوں میں ماتم کیا کریں گے

مضمون درہمی کا گیسو کے باندھیں گے ہم

ہر دم مزاج اپنا برہم کیا کریں گے

اس حرف نا شنو کی فرقت میں چپکے بیٹھے

ہم اپنے دل سے باتیں ہر دم کیا کریں گے

کانوں تک اس کے پہنچے مانند زلف جب ہم

سرگوشیاں سراسر باہم کیا کریں گے

وہ زلف و رخ سے اپنے کافور و مشک لے کر

تیار زخم دل کا مرہم کیا کریں گے

گو تلخ وہ کہیں گے لب ہائے شکریں سے

ہر دم دعا مگر ہم ہم دم کیا کریں گے

گو خوں کا قطرہ قطرہ دل سے وقارؔ کم ہو

لیکن سخن سخن سے ہم ضم کیا کریں گے

ho eid ya mahram ham gham kya karenge

do roza dahr dun main matam kya karenge

mazmun dirhami ka gesu ke bandhenge ham

har dam mizaj apna barham kya karenge

is harf na shunau ki furqat mein chupke baithe

ham apne dil se baten har dam kya karenge

kanon tak us ke pahunche manind-e-zulf jab ham

sargoshiyan sarasar baham kya karenge

wo zulf-o-rukh se apne kafur-o-mushk le kar

tayyar zakhm-e-dil ka marham kya karenge

go talkh wo kahenge lab hae shukren se

har dam dua magar ham ham dam kya karenge

go khun ka qatra qatra dil se waqar kam ho

lekin sukhan sukhan se ham zam kya karenge