ہوئے کارواں سے جدا جو ہم رہ عاشقی میں فنا ہوئے

ہوئے کارواں سے جدا جو ہم رہ عاشقی میں فنا ہوئے

جو گرے تو نقش قدم بنے جو اٹھے تو بانگ درا ہوئے

کبھی داغ کھاتے ہی آہ کی کہیں آہ کرتے ہی رو دئے

کبھی ہم چمن کی ہوا ہوئے کبھی ہم ہوا کی گھٹا ہوئے

جو ہوائے درد بکھر گئی نظر ان کی صاف بدل گئی

جو اسیر حلقۂ ناز تھے وہ قتیل تیغ ادا ہوئے

ہمہ تن کبھی ہوئے درد و غم ہمہ تن کبھی ہوئے صبر ہم

کبھی آپ اپنا مرض ہوئے کبھی آپ اپنی دوا ہوئے

ہوا بعد وصل عجب مزا کہ خموش بیٹھے جدا جدا

ہمہ تن میں صبر و سکوں ہوا ہمہ تن و شرم و حیا ہوئے

اٹھے ہم جو خواب و خیال سے لگے تکنے دیدۂ جال سے

کہ وہ کب اٹھے وہ کدھر گئے ابھی پاس تھے ابھی کیا ہوئے

یہ قدم قدم پہ جمیں گے پاؤں کہ بڑھ سکو گے نہ آگے تم

ہو تمہارے کوچے کی خاک میں کہیں دفن اہل وفا ہوئے

hue karwan se juda jo ham rah-e-ashiqi mein fana hue

jo gire to naqsh-e-qadam bane jo uthe to bang-e-dara hue

kabhi dagh khate hi ah ki kahin ah karte hi ro diye

kabhi ham chaman ki hawa hue kabhi ham hawa ki ghata hue

jo hawa-e-dard bikhar gai nazar un ki saf badal gai

jo asir-e-halqa-e-naz the wo qatil-e-tegh-e-ada hue

hama tan kabhi hue dard-o-gham hama tan kabhi hue sabr ham

kabhi ap apna maraz hue kabhi ap apni dawa hue

hawa baad-e-wasl ajab maza ke khamosh baithe juda juda

hama tan mein sabr-o-sukun hua hama tan-o-sharm-o-haya hue

uthe ham jo khwab-o-khayal se lage takne dida-e-jal se

ke wo kab uthe wo kidhar gae abhi pas the abhi kya hue

ye qadam qadam pe jamenge paon ke barh sakoge na age tum

ho tumhare kuche ki khak mein kahin dafn ahl-e-wafa hue