ہوئی ہے ہم میں اور اس گل میں کیا کیا مار پھولوں کی

ہوئی ہے ہم میں اور اس گل میں کیا کیا مار پھولوں کی

گلے تک اٹھ گئی گلزار میں دیوار پھولوں کی

بہار آئی ہے گلشن نے قبائے سبز بدلی ہے

جوانان چمن کے سر پہ ہے دستار پھولوں کی

چمن میں آج کل اس زور سے پانی برستا ہے

ہوئی ہے بلبلوں پر ہر طرف بوچھار پھولوں کی

بکے ہیں کوڑیوں کے مول دعویٰ کر کے اس گل سے

گئی ہے آبرو کیا کیا سر بازار پھولوں کی

رسائی قدرؔ کی کیوں کر نہ ہو اس بزم رنگیں میں

چمن میں رکھتے ہیں صحبت ہمیشہ خار پھولوں کی

hui hai ham mein aur us gul mein kya kya mar phulon ki

gale tak uth gai gulzar mein diwar phulon ki

bahar ai hai gulshan ne qaba-e-sabz badli hai

jawanan-e-chaman ke sar pe hai dastar phulon ki

chaman mein aj kal is zor se pani barasta hai

hui hai bulbulon par har taraf bauchhar phulon ki

bike hain kauriyon ke mol daawa kar ke us gul se

gai hai abru kya kya sar-e-bazar phulon ki

rasai qadr ki kyun kar na ho is bazm-e-rangin mein

chaman mein rakhte hain sohbat hamesha khar phulon ki