ہو چکا ناز منہ دکھائیے بس

ہو چکا ناز منہ دکھائیے بس

غصہ موقوف کیجے آئیے بس

فائدہ کیا ہے یوں کھنچے رہنا

میری طاقت نہ آزمائیے بس

"دوست ہوں میں ترا" نہ کہیے یہ حرف

مجھ سے جھوٹی قسم نہ کھائیے بس

آپ کو خوب میں نے دیکھ لیا

تم ہو مطلب کے اپنے جائیے بس

مصحفیؔ عشق کا مزہ پایا

دل کسی سے نہ اب لگائیے بس

ho chuka naz munh dikhaiye bas

ghussa mauquf kije aiye bas

faida kya hai yun khinche rahna

meri taqat na azmaiye bas

"dost hun main tira" na kahiye ye harf

mujh se jhuti qasam na khaiye bas

ap ko khub main ne dekh liya

tum ho matlab ke apne jaiye bas

mushafi ishq ka maza paya

dil kisi se na ab lagaiye bas