ہوئے تھے بھاگ کے پردے میں تم نہاں کیونکر

ہوئے تھے بھاگ کے پردے میں تم نہاں کیونکر

وہ پہلی وصل کی شب شوخیاں تھیں ہاں کیونکر

فلک کو دیکھ کے کہتا ہوں جوش وحشت میں

الٰہی ٹھہرے مری آہ کا دھواں کیونکر

تمہارے کوچے میں اس ناتواں کا تھا کیا کام

مجھے بھی سوچ ہے آیا ہوں میں یہاں کیونکر

زباں ہے لذت بوسہ سے بند اے ظالم

مزہ بھرا ہے جو دل میں کروں بیاں کیونکر

شب وصال سے شکوے ہزاروں ہیں جی میں

الٰہی بند رہے گی مری زباں کیونکر

hue the bhag ke parde mein tum nihan kyunkar

wo pahli wasl ki shab shokhiyan thin han kyunkar

falak ko dekh ke kahta hun josh-e-wahshat mein

ilahi thahre miri ah ka dhuan kyunkar

tumhare kuche mein is natawan ka tha kiya kam

mujhe bhi soch hai aya hun main yahan kyunkar

zaban hai lazzat-e-bosa se band ai zalim

maza bhara hai jo dil mein karun bayan kyunkar

shab-e-wisal se shikwe hazaron hain ji mein

ilahi band rahegi miri zaban kyunkar