ہو چکی باغ میں بہار افسوس

ہو چکی باغ میں بہار افسوس

آہ اے بلبلو ہزار افسوس

قافلہ عمر کا ہے پا بہ رکاب

زیست کا کیا ہے اعتبار افسوس

مری راتوں کو دیکھ سوختگی

نہ کیا ایک دن بھی یار افسوس

شب سے پروانے کی لگن میں شمع

صبح تک روئی زار زار افسوس

سخت بے تابی سے کٹی کل رات

آج بھی دل ہے بے قرار افسوس

خال و خط کو سمجھ کے دانہ و دام

مرغ دل ہو گیا شکار افسوس

آہ دست جنوں سے اے ناصح

ہے گریبان تار تار افسوس

جان ہونٹوں پہ آ گئی ہم دم

لیکن اب تک پھرا نہ یار افسوس

عمر غفلت میں کٹ گئی ہے نصیرؔ

آہ افسوس صد ہزار افسوس

ho chuki bagh mein bahar afsos

ah ai bulbulo hazar afsos

qafila umr ka hai pa ba rikab

zist ka kya hai etibar afsos

miri raton ko dekh sokhtagi

na kiya ek din bhi yar afsos

shab se parwane ki lagan mein shama

subh tak roi zar zar afsos

sakht be tabi se kati kal rat

aj bhi dil hai be qarar afsos

khal-o-khat ko samajh ke dana-o-dam

murgh-e-dil ho gaya shikar afsos

ah dast-e-junun se ai naseh

hai gareban-e-tar tar-e-afsos

jan honton pe a gai ham dam

lekin ab tak phira na yar afsos

umr ghaflat mein kat gai hai nasir

ah afsos sad hazar afsos