ہو ترقی پر مرا درد جدائی اور بھی

ہو ترقی پر مرا درد جدائی اور بھی

اور بھی اے بے وفا کر بے وفائی اور بھی

ہونے پایا تھا ابھی خوگر نہ درد ہجر کا

آگ رشک غیر نے دل میں لگائی اور بھی

دیکھیے مڑ کر نگاہ ناز کے قربان میں

ایک بار اے فتنہ گر جلوہ نمائی اور بھی

فائدہ کیا ایسے ہرجائی سے ملنے میں فروغؔ

ہو گئی دنیا میں تیری جگ ہنسائی اور بھی

ho taraqqi par mira dard-e-judai aur bhi

aur bhi ai be wafa kar be wafai aur bhi

hone paya tha abhi khugar na dard-e-hijr ka

ag rashk-e-ghair ne dil mein lagai aur bhi

dekhiye mur kar nigah-e-naz ke qurban mein

ek bar ai fitna gar jalwa numai aur bhi

faida kya aise harjai se milne mein farogh

ho gai duniya mein teri jag hansai aur bhi