ہو اگر مد نظر گلشن میں اے گلفام رقص

ہو اگر مد نظر گلشن میں اے گلفام رقص

صورت بسمل دکھائے بلبل ناکام رقص

خانہ مقتل میں ہوتا ہے گماں فردوس کا

مور بن کر جب دکھاتی ہے تری صمصام رقص

وہ ہوا خواہ نسیم زلف ہوں میں تیرہ بخت

کیوں نہ مرقد پر کرے دود چراغ شام رقص

آرزو ہے التفات بے قرار سے مجھے

وصل میں اس کو دکھائے ہر رگ اندام رقص

دم نہیں اپنا تڑپ کر لوٹتا ہے ہجر میں

روح کو سکھلا رہا ہے موت کا پیغام رقص

اے شگفتہؔ وہ پری رو مجھ سے فرماتا ہے یہ

تم کو دکھلائیں گے اپنا آج زیر بام رقص

ho agar mad-e-nazar gulshan mein ai gulfam raqs

surat bismil dikhae bulbul nakam-e-raqs

khana maqtal mein hota hai guman firdaus ka

mor ban kar jab dikhati hai tiri samsam raqs

wo hua khwah nasim-e-zulf hun main tira bakht

kyun na marqad par kare dud-e-charagh-e-sham raqs

arzu hai iltifat-e-be qarar se mujhe

wasl mein us ko dikhae har rag-e-andam raqs

dam nahin apna tarap kar lautta hai hijr mein

ruh ko sukhla raha hai maut ka paigham raqs

ai shagufta wo pari ru mujh se farmata hai ye

tum ko dikhlaenge apna aj zer-e-bam raqs