آب و دانہ ترا اے بلبل زار اٹھتا ہے
مبارک عظیم آبادیآب و دانہ ترا اے بلبل زار اٹھتا ہے
فصل گل جاتی ہے سامان بہار اٹھتا ہے
شیخ بھی مضطرب الحال پہنچ جاتا ہے
جانب مے کدہ جب ابر بہار اٹھتا ہے
مرحبا بار امانت کے اٹھانے والے
کیا کلیجہ ہے تمہارا کہ یہ بار اٹھتا ہے
خار صحرائے محبت کی کھٹک کیا کہیے
جب قدم اٹھتا ہے اپنا سر خار اٹھتا ہے
دود آہ دل سوزاں ہے مبارکؔ اپنا
جو دھواں شمع سے بالین مزار اٹھتا ہے
ab-o-dana tira ai bulbul-e-zar uthta hai
fasl-e-gul jati hai saman-e-bahar uthta hai
shaikh bhi muztarib alhal pahunch jata hai
janib-e-mai kada jab abr-e-bahar uthta hai
marhaba bar-e-amanat ke uthane wale
kya kaleja hai tumhara ke ye bar uthta hai
khar-e-sahra-e-mohabbat ki khatak kya kahiye
jab qadam uthta hai apna sar-e-khar uthta hai
dud ah dil-e-sozan hai mubarak apna
jo dhuan shama se balen-e-mazar uthta hai