ہنستے تھے مرے حال کو جو یار دیکھ کر
مرزا محمد تقی ہوسہنستے تھے مرے حال کو جو یار دیکھ کر
ان سب نے رو دیا مجھے بیمار دیکھ کر
سب ہم صفیر چھوڑ کے تنہا چلے گئے
کنج قفس میں مجھ کو گرفتار دیکھ کر
کیا جانے کیا غضب ہے یہ جادو بھری نگاہ
غش کر گیا ہوں میں جسے یک بار دیکھ کر
خون جگر کے ساتھ کہیں جی چلا نہ جائے
رونا ذرا تو دیدۂ خوں بار دیکھ کر
اپنے ہوسؔ پہ جب سے کہ تو مہرباں ہوا
جلتے ہیں رات دن اسے اغیار دیکھ کر
hanste the mire hal ko jo yar dekh kar
un sab ne ro diya mujhe bimar dekh kar
sab ham safir chhor ke tanha chale gae
kunj-e-qafas mein mujh ko giraftar dekh kar
kya jane kya ghazab hai ye jadu bhari nigah
ghash kar gaya hun main jise yak bar dekh kar
khun-e-jigar ke sath kahin ji chala na jae
rona zara to dida-e-khun bar dekh kar
apne hawas pe jab se ke tu mehrban hua
jalte hain rat din use aghyar dekh kar