ہو ترک کسی سے نہ ملاقات کسی کی

ہو ترک کسی سے نہ ملاقات کسی کی

یا رب نہ بگڑ جائے بنی بات کسی کی

پاؤں کو جو پھیلا کے سر شام سے سوئے

کیا جانے وہ کس طرح کئی رات کسی کی

فرمائیے کیوں کر وہ سہے آپ کی گالی

اٹھ سکتی نہ ہو جس سے کڑی بات کسی کی

فرمائشیں تم روز کرو شوق سے لیکن

یہ جان لو تھوڑی سی ہے اوقات کسی کی

ممکن ہے کہ سمجھے نہ حفیظؔ آپ کی چالیں

شاعر سے بھی چلتی ہے کہیں گھات کسی کی

ho tark kisi se na mulaqat kisi ki

ya rab na bigar jae bani bat kisi ki

paon ko jo phaila ke sar-e-sham se soe

kya jane wo kis tarah kai rat kisi ki

farmaiye kyun kar wo sahe ap ki gali

uth sakti na ho jis se kari bat kisi ki

farmaishen tum roz karo shauq se lekin

ye jan lo thori si hai auqat kisi ki

mumkin hai ke samjhe na hafiz ap ki chalen

shayar se bhi chalti hai kahin ghat kisi ki