ہمیں کہتی ہے دنیا زخم دل زخم جگر والے

ہمیں کہتی ہے دنیا زخم دل زخم جگر والے

ذرا تم بھی تو دیکھو ہم کو تم بھی ہو نظر والے

نظر آئیں گے نقش پا جہاں اس فتنہ گر والے

چلیں گے سر کے بل رستہ وہاں کے رہ گزر والے

ستم ایجادیوں کی شان میں بٹا نہ آ جائے

نہ کرنا بھول کر تم جور چرخ کینہ ور والے

جفا و جور گلچیں سے چمن ماتم کدہ سا ہے

پھڑکتے ہیں قفس کی طرح آزادی میں پر والے

الف سے تا بہ یا للہ افسانہ سنا دیجے

جناب موسئ عمراں وہی حیرت نگر والے

ہمیں معلوم ہے ہم مانتے ہیں ہم نے سیکھا ہے

دل آزردہ ہوا کرتے ہیں از حد چشم تر والے

کٹانے کو گلا آٹھوں پہر موجود رہتے ہیں

وہ دل والے جگر والے سہی ہم بھی ہیں سر والے

تماشا دیکھ کر دنیا کا سائلؔ کو ہوئی حیرت

کہ تکتے رہ گئے بد گوہروں کا منہ گہر والے

hamen kahti hai duniya zakhm-e-dil zakhm-e-jigar wale

zara tum bhi to dekho ham ko tum bhi ho nazar wale

nazar aenge naqsh-e-pa jahan is fitna gar wale

chalenge sar ke bal rasta wahan ke rah guzar wale

sitam ijadiyon ki shan mein bata na a jae

na karna bhul kar tum jaur-e-charkh-e-kina war wale

jafa-o-jaur-e-gulchin se chaman matam kada sa hai

pharakte hain qafas ki tarah azadi mein par wale

alif se ta ba ya lillah afsana suna dije

janab-e-musa-e-imran wahi hairat nagar wale

hamen maalum hai ham mante hain ham ne sikha hai

dil azurda hua karte hain az had chashm-e-tar wale

katane ko gila athon pahar maujud rahte hain

wo dil wale jigar wale sahi ham bhi hain sar wale

tamasha dekh kar duniya ka sail ko hui hairat

ke takte rah gae bad gauharon ka munh guhar wale