ہم نہ محظوظ ہوئے ہیں کسی شے سے ایسے
قاسم علی خان آفریدیہم نہ محظوظ ہوئے ہیں کسی شے سے ایسے
جیسے مسرور ہیں پینے ستے مے سے ایسے
نہ ہمیں کام ہے حشمت ستے جمشید کے کچھ
بوریا بس ہے بہ از مسند کے سے ایسے
چھوڑ دنیا کو بہ دنیا ز حقیقت دنیا
خوب واقف ہوں رگ و ریشہ و پے سے ایسے
دین دنیا کی محبت میں اگر غور کرو
ہے تنفر مجھے جس طرح سے کے سے ایسے
نے میں طاقت نہیں نائے کا کرشمہ ظاہر
بوجھ نائے کی سدا جو سنے نے سے ایسے
خوبرو اگلے زمانے کے ہیں اب تک موجود
آفت جان جو تھے ہیں وہی ویسے ایسے
تو جو آوارہ ہے افریدیؔ بتا کس جا پر
دل لیا کس نے ترا کون سی لے سے ایسے
ham na mahzuz hue hain kisi shai se aise
jaise masrur hain pine satte mai se aise
na hamen kam hai hashmat satte jamshed ke kuchh
boriya bas hai ba az masnad ke se aise
chhor duniya ku ba duniya ze haqiqat duniya
khub waqif hun rag-o-resha-o-pe se aise
din duniya ki mohabbat mein agar ghaur karo
hai tanaffur mujhe jis tarah se ke se aise
ne main taqat nahin nae ka karishma zahir
bojh nae ki sada jo sune ne se aise
khubru agle zamane ke hain ab tak maujud
afat-e-jan jo the hain wahi waise aise
tu jo awara hai afredi bata kis ja par
dil liya kis ne tira kaun si le se aise