ہم وہ نالاں ہیں بولی ٹھولی میں

ہم وہ نالاں ہیں بولی ٹھولی میں

بلبلوں کو جو لیں ٹھٹھولی میں

جامہ زیبوں سے اس کو نسبت کیا

لاکھ ٹکڑے ہیں گل کی چولی میں

رنج غم کھانے کو خدا نے دیا

کیا نہیں مجھ گدا کی جھولی میں

الف لیلیٰ سنے وہ گل تو سنائیں

بلبلیں اک ہزار بولی میں

خون ناحق ہمارا اچھلے گا

رنگ لایا جو شوخ ہولی میں

چشم عبرت سے دیکھ پردہ نشیں

شکل تابوت کی ہے ڈولی میں

سبزۂ خط ہو کیوں نہ جوہر خال

زہر تریاک کی ہے گولی میں

بوسہ اس سرو قد سے ہم آزاد

مانگ لیتے ہیں بولی ٹھولی میں

شادؔ رو رو دیا ہے شبنم نے

جب گلوں نے لیا ٹھٹھولی میں

ham wo nalan hain boli thawali mein

bulbulon ko jo len thatholi mein

jama zebon se us ko nisbat kya

lakh tukre hain gul ki choli mein

ranj-e-gham khane ko khuda ne diya

kya nahin mujh gada ki jholi mein

alif laila sune wo gul to sunaen

bulbulen ik hazar boli mein

khun-e-nahaq hamara uchhlega

rang laya jo shokh holi mein

chashm-e-ibrat se dekh parda nashin

shakl tabut ki hai doli mein

sabza-e-khat ho kyun na jauhar khal

zahr tiryak ki hai goli mein

bosa is sarw qad se ham azad

mang lete hain boli thawali mein

shad ro ro diya hai shabnam ne

jab gulon ne liya thatholi mein