ہم نے باندھے ہیں اس پہ کیا کیا جوڑ

ہم نے باندھے ہیں اس پہ کیا کیا جوڑ

پر چلا ایک بھی نہ فقرا جوڑ

جوڑتا ہے جو تو محبت کا

ہم سے زنار دار رشتا جوڑ

سر دشمن نہ توڑیئے کب تک

مجھ پہ چلتا ہے وہ ہمیشہ جوڑ

اے رفو گر جو ٹانک جامۂ تن

تار تار اور پرزہ پرزہ جوڑ

ذوالفقار علی کی تجھ کو قسم

سر جدا جس سے ہو وہ فقرا جوڑ

نسبت زلف جیسے سنبل کو

ویسے نافہ کا مشک نافہ جوڑ

ہم اسی کو کہیں گے آئینہ ساز

دے ہمارا جو دل شکستہ جوڑ

مظہرہ بے کا شادؔ اردو میں

جانتا ہوں الف ہی ہے کا جوڑ

ham ne bandhe hain us pe kya kya jor

par chala ek bhi na fuqara jor

jorta hai jo tu mohabbat ka

ham se zunnar dar rashta jor

sar dushman na toriye kab tak

mujh pe chalta hai wo hamesha jor

ai rafu gar jo tanik jama-e-tan

tar tar aur purza purza jor

zualfaqar ali ki tujh ko qasam

sar juda jis se ho wo fuqara jor

nisbat-e-zulf jaise sumbul ko

waise nafa ka mushk-e-nafa jor

ham usi ko kahenge aina saz

de hamara jo dil shikasta jor

mazhara be ka shad urdu mein

janta hun alif hi hai ka jor