ہم نے جانا تھا سخن ہوں گے زباں پر کتنے

ہم نے جانا تھا سخن ہوں گے زباں پر کتنے

پر قلم ہاتھ جو آئی لکھے دفتر کتنے

میں نے اس اس صناع سے سر کھینچا ہے

کہ ہر اک کوچے میں جس کے تھے ہنر ور کتنے

کشور عشق کو آباد نہ دیکھا ہم نے

ہر گلی کوچے میں اوجڑ پڑے تھے گھر کتنے

آہ نکلی ہے یہ کس کی ہوس سیر بہار

آتے ہیں باغ میں آوارہ ہوئے پر کتنے

دیکھیو پنجۂ مژگاں کی ٹک آتش دستی

ہر سحر خاک میں ملتے ہیں در تر کتنے

کب تلک یہ دل صد پارہ نظر میں رکھیے

اس پر آنکھیں ہی سیے رہتے ہیں دلبر کتنے

عمر گزری کہ نہیں دو آدم سے کوئی

جس طرف دیکھیے عرصے میں ہیں اب خر کتنے

تو ہے بیچارہ گدا میرؔ ترا کیا مذکور

مل گئے خاک میں یاں صاحب افسر کتنے

ham ne jana tha sukhan honge zaban par kitne

par qalam hath jo ai likhe daftar kitne

main ne is is sanna se sar khincha hai

ke har ik kuche mein jis ke the hunar war kitne

kishwar-e-ishq ko abad na dekha ham ne

har gali kuche mein ujar pare the ghar kitne

ah nikli hai ye kis ki hawas-e-sair-e-bahar

ate hain bagh mein awara hue par kitne

dekhiyo panja-e-mizhgan ki tuk atish dasti

har sahar khak mein milte hain dar-e-tar kitne

kab talak ye dil-e-sad para nazar mein rakhiye

us par ankhen hi saye rahte hain dilbar kitne

umr guzri ke nahin do adam se koi

jis taraf dekhiye arse mein hain ab khar kitne

tu hai bechara gada mir tira kya mazkur

mil gae khak mein yan sahab-e-afsar kitne