ہم نے پائی لذت دیدار لیکن دور سے
Muztar Khairabadi (1865–1927)ہم نے پائی لذت دیدار لیکن دور سے
ان کی صورت دیکھ لی سو بار لیکن دور سے
وہ دکھاتے ہیں ہمیں رخسار لیکن دور سے
اس کا مطلب ہے کہ کر لو پیار لیکن دور سے
اس نے جانچا میرا درد دل مگر آیا نہ پاس
اس نے دیکھا میرا حال زار لیکن دور سے
روزن دیوار سے حسرت بھری آنکھیں لڑیں
ہو گئیں ان سے نگاہیں چار لیکن دور سے
اس نے آنے کا کیا ہے قول لیکن تا بہ در
اس نے ملنے کا کیا اقرار لیکن دور سے
پاس مضطرؔ کس طرح جاتے ہجوم یاس میں
ہو گیا ان کا ہمیں دیدار لیکن دور سے
ham ne pai lazzat-e-didar lekin dur se
un ki surat dekh li sau bar lekin dur se
wo dikhate hain hamen rukhsar lekin dur se
us ka matlab hai ke kar lo pyar lekin dur se
us ne jancha mera dard-e-dil magar aya na pas
us ne dekha mera hal-e-zar lekin dur se
rauzan-e-diwar se hasrat bhari ankhen laren
ho gain un se nigahen char lekin dur se
us ne ane ka kiya hai qaul lekin ta ba dar
us ne milne ka kiya iqrar lekin dur se
pas muztar kis tarah jate hujum-e-yas mein
ho gaya un ka hamen didar lekin dur se