ہم ہی کرتے نہیں زلفوں کو تری ہار پسند

ہم ہی کرتے نہیں زلفوں کو تری ہار پسند

شیخ صاحب کو بھی آتا ہے یہ زنار پسند

سبزۂ خط رہے اس چہرۂ گل رنگ سے دور

زخم دل کو نہیں یہ مرہم زنگار پسند

جاؤں کعبے کو میں کس طرح سے اے واعظ شہر

آ گیا مجھ کو تو اب خانۂ خمار پسند

گو کہ سو رنگ گلستان میں دکھلائے بہار

نہ کریں گل کو ترے طالب دیدار پسند

جو کوئی درد سے ٹک چاشنی رکھتا ہوگا

اسی کو آئیں گے ؔجوشش مرے اشعار پسند

ham hi karte nahin zulfon ko tiri har pasand

shaikh sahab ko bhi ata hai ye zunnar pasand

sabza-e-khat rahe is chehra-e-gul rang se dur

zakhm-e-dil ko nahin ye marham-e-zangar pasand

jaun kaabe ko main kis tarah se ai waiz-e-shahr

a gaya mujh ko to ab khana-e-khumar pasand

go ke sau rang-e-gulistan mein dikhlae bahar

na karen gul ko tire talib-e-didar pasand

jo koi dard se tuk chashni rakhta hoga

usi ko aenge joshish mire ashar pasand