ہم کو یاں در در پھرایا یار نے
شاہ نیاز احمدہم کو یاں در در پھرایا یار نے
لا مکاں میں گھر بنایا یار نے
آپ اپنے دیکھنے کے واسطے
ہم کو آئینہ بنایا یار نے
اپنے اک ادنیٰ تماشے کے لئے
ہم کو سولی پر چڑھایا یار نے
آپ چھپ کے ہم کو کر کے روبرو
خوب ہی رسوا کرایا یار نے
آپ تو بت بن کے کی جلوہ گری
اور ہمیں کافر بنایا یار نے
ham ko yan dar dar pharaya yar ne
la makan mein ghar banaya yar ne
ap apne dekhne ke waste
ham ko aina banaya yar ne
apne ik adna tamashe ke liye
ham ko suli par charhaya yar ne
ap chhup ke ham ko kar ke rubaru
khub hi ruswa karaya yar ne
ap to but ban ke ki jalwa giri
aur hamen kafir banaya yar ne