ہم پھڑک کر توڑتے ساری قفس کی تیلیاں

ہم پھڑک کر توڑتے ساری قفس کی تیلیاں

پر نہیں اے ہم صفیرو! اپنے بس کی تیلیاں

بہر ایواں اور بنوا چلمن اے پردہ نشیں

ہو گئی بد رنگ ہیں اگلے برس کی تیلیاں

خاک میں نا جنس رہتے ہیں نہ اہل امتیاز

اے فلک بنتی نہیں جاروب خس کی تیلیاں

عین فصل گل میں ہی صیاد بے پروا نے آہ

دس کے پر کترے تو کیں آنکھوں میں دس کی تیلیاں

حرص دنیا چاہتی ہے یہ کہ سیم و زر کی ہوں

یہ چراغ خانۂ اہل ہوس کی تیلیاں

امتیاز نیک و بد خود ہو نہ جس کو اے نصیرؔ

اس کے نزدیک ایک ہیں خاشاک و خس کی تیلیاں

ham pharak kar torte sari qafas ki teliyan

par nahin ai ham safiro! apne bas ki teliyan

bahr-e-aiwan aur banwa chilman ai parda nashin

ho gai bad rang hain agle baras ki teliyan

khak mein na jins rahte hain na ahl-e-imtiyaz

ai falak banti nahin jarub khas ki teliyan

ain fasl-e-gul mein hi sayyad-e-be parwa ne ah

das ke par katre to kin ankhon mein das ki teliyan

hirs-e-duniya chahti hai ye ke sim-o-zar ki hun

ye charagh-e-khana-e-ahl-e-hawas ki teliyan

imtiyaz-e-nek-o-bad khud ho na jis ko ai nasir

us ke nazdik ek hain khashak-o-khas ki teliyan