ہم دل زہرہ وشاں میں خالق اندیشہ ہیں

ہم دل زہرہ وشاں میں خالق اندیشہ ہیں

گو خراباتی سہی جبریل کے ہم پیشہ ہیں

پیرویٔ واعظان شہر میں بزدل ہیں ہم

اور غزالوں کا تعاقب ہو تو شیر بیشہ ہیں

جانیے کیا کیا مدارج اور بھی کرنے ہیں طے

ہم ابھی ذہن‌ خدا وندی میں اک اندیشہ ہیں

خشت و سنگ نا تراشیدہ سے ابھرا خد حسن

مے گساروں کی نگاہیں ہیں کہ ضرب تیشہ ہیں

ہم نہیں ہیں کوہ کن لیکن ہماری یادگار

وقت کے کوہ گراں پر کچھ نقوش تیشہ ہیں

ham dil zohra washan mein khaliq-e-andesha hain

go kharabati sahi jibril ke ham pesha hain

pairawi-e-waizan shahr mein buzdil hain ham

aur ghazalon ka taaqub ho to sher besha hain

janiye kya kya madarij aur bhi karne hain tai

ham abhi zehn khuda wandi mein ik andesha hain

khisht-o-sang na tarashida se ubhra khad husn

mai gusaron ki nigahen hain ke zarb-e-tesha hain

ham nahin hain koh kin lekin hamari yadgar

waqt ke koh-e-giran par kuchh nuqush-e-tesha hain