ہم سے دو چار بزم میں دھیان اور کی طرف

ہم سے دو چار بزم میں دھیان اور کی طرف

آنکھ اس طرف لگائی ہے کان اور کی طرف

ابرو سے ہم شہید مژہ سے رقیب ہوں

تلوار ادھر لگائیے بان اور کی طرف

صید زبوں وہ ہوں جو رواں تیر ادھر ہوا

اس کی قضا نے بولی کمان اور کی طرف

ہم بیکسوں کی قبر سوا ہرگز اے فلک

نم گیر کو نہ ابر کے تان اور کی طرف

یا رب کرے جو حسن کی خیرات وہ صنم

میرے سوا کرے نہیں دان اور کی طرف

اترے نہ کس طرح مری آنکھوں میں خون شادؔ

دیتا مجھے دکھا کے ہے پان اور کی طرف

ham se do char bazm mein dhyan aur ki taraf

ankh is taraf lagai hai kan aur ki taraf

abru se ham shahid mizha se raqib hun

talwar idhar lagaiye ban aur ki taraf

said-e-zabun wo hun jo rawan tir idhar hua

us ki qaza ne boli kaman aur ki taraf

ham bekason ki qabr siwa hargiz ai falak

nam gir ko na abr ke tan aur ki taraf

ya rab kare jo husn ki khairat wo sanam

mere siwa kare nahin dan aur ki taraf

utre na kis tarah miri ankhon mein khun shad

deta mujhe dikha ke hai pan aur ki taraf