ہم سے نہ ہوگی ترک وفا یہ اور کسی کو سنائیں آپ

ہم سے نہ ہوگی ترک وفا یہ اور کسی کو سنائیں آپ

ہم نہ سنیں گے حضرت ناصح لاکھ ہمیں سمجھائیں آپ

شرم و حیا کے پردے میں کرتے تھے ہم پہ جفائیں آپ

آپ کو ہم پہچان گئے منہ آنچل سے نہ چھپائیں آپ

زلف کا تیرے ان سے کوئی مضموں جو رقم ہو جاتا ہے

فرط خوشی سے لے لیتا ہوں ہاتھوں کی اپنے بلائیں آپ

واہ جی وا بس دیکھ لیا کیا وضع کی ہے یہی پابندی

کہتے اس کو ہیں شرم و حیا ہم جاں سے جائیں نہ آئیں آپ

سن چکے حال پرسش محشر وعظ کی انجمؔ حد بھی ہے

یہ تو نہیں ہے حکم خدا روز ایک قیامت ڈھائیں آپ

ham se na hogi tark-e-wafa ye aur kisi ko sunaen ap

ham na sunenge hazrat naseh lakh hamen samjhaen ap

sharm-o-haya ke parde mein karte the ham pe jafaen ap

ap ko ham pahchan gae munh anchal se na chhupaen ap

zulf ka tere un se koi mazmun jo raqam ho jata hai

fart-e-khushi se le leta hun hathon ki apne balaen ap

wah ji wa bas dekh liya kya waza ki hai yahi pabandi

kahte us ko hain sharm-o-haya ham jan se jaen na aen ap

sun chuke hal pursish mahshar waaz ki anjum had bhi hai

ye to nahin hai hukm-e-khuda roz ek qayamat dhaen ap