ہم سے کرتا ہے عبث گفتار کج

ہم سے کرتا ہے عبث گفتار کج

راست بازوں سے نہ ہو اے یار کج

عشق ابرو سے تری اے کج کلاہ

باندھتا ہے ماہ نو دستار کج

ہے تواضع بھی بزرگی کا نشاں

کیوں نہ ہو پیری میں جسم زار کج

کج روی اس زلف کا ہے خاصہ

جس طرح ہے مار کی رفتار کج

ہات یوں قاتل جبینوں کا لگا

جس طرح پہنے صنم زنار کج

راستی اک بات میں اس کی نہیں

کج روا کج مج زباں گفتار کج

قصر تن پیری میں جھک کر کیا رکے

گر پڑے کہنہ جو ہو دیوار کج

جائے نظارہ ہے پھرتے ہیں حسیں

ٹوپیاں رکھ کر سر بازار کج

کج نما آئینۂ عالم ہے عرشؔ

بے سبب ٹیڑھے عبث ہیں یار کج

ham se karta hai abas guftar kaj

rast bazon se na ho ai yar kaj

ishq abru se tiri ai kaj kulah

bandhta hai mah-e-nau dastar-e-kaj

hai tawazo bhi buzurgi ka nishan

kyun na ho piri mein jism-e-zar kaj

kaj rawi is zulf ka hai khassa

jis tarah hai mar ki raftar kaj

hat yun qatil jabinon ka laga

jis tarah pahne sanam zunnar-e-kaj

rasti ik bat mein us ki nahin

kaj rawa kaj maj zaban guftar kaj

qasr-e-tan piri mein jhuk kar kya ruke

gir pare kohna jo ho diwar kaj

jae nazzara hai phirte hain hasin

topiyan rakh kar sar-e-bazar-e-kaj

kaj numa aina-e-alam hai arsh

be sabab terhe abas hain yar kaj